कपिल शर्माको कार्यक्रममा फर्किए सिद्धु

काठमाडौं । चर्चित हास्य कलाकार कपिल शर्माले ‘द ग्रेट इन्डियन कपिल शो’ को तेस्रो सिजन ल्याउँदैछन् । यसका पछिल्ला दुई सिजन सुपरहिट भएका थिए ।

अब यो कमेडी शोमा ठूलो परिवर्तन आएको भएको छ । ‘द ग्रेट इन्डियन कपिल शो’का निर्माताहरूले प्रोमो सेयर गर्दै घोषणा गरेका छन् – नवजोत सिंह सिद्धु नयाँ सिजनमा फर्कँदैछन् ।

कमेडी शोमा आफ्नो पुनरागमनको बारेमा कुरा गर्दै सिद्धुले भने, ‘द ग्रेट इन्डियन कपिल शो’ मा आउनु भनेको फेरि घर फर्कनु जस्तै हो । यो मेरो लागि एकदमै विशेष अवसर हो । हामीले मानिसहरूको आवाज सुनेका छौं, हाम्रो कुराकानी मन पराउने धेरै प्रशंसक र शुभचिन्तकहरूले हामीलाई सँगै हेर्न चाहन्थे । म धेरै खुसी छु कि नेटफ्लिक्सले यति राम्रा मानिसहरूलाई एकसाथ ल्याइरहेको छ र यस सिजनमा हामी दर्शकहरूको लागि राम्रो प्रदर्शन गर्नेछौं ।’

सिद्धुले थप भने, ‘मुस्कुराउनको लागि तपाईंले कुनै पैसा खर्च गर्नुपर्दैन, तर मुस्कानको मूल्य करोडौं रुपैयाँ बराबर हुन्छ । द ग्रेट इन्डियन कपिल शो एउटा यस्तो माध्यम हो, जसले मानिसहरूको अनुहारमा खुसी ल्याउन काम गर्छ । म फेरि यो कार्यक्रमको हिस्सा हुन पाउँदा सम्मानित महसुस गर्छु ।’

यस पटक सिद्धू ‘द ग्रेट इन्डियन कपिल शो’मा  अर्चना पूरन सिंहको छेउमा बसेको देखिनेछ ।

सिद्धूको फिर्ताको बारेमा कपिलले भने, ‘हामीले हाम्रो परिवारले हरेक फनीवार बढाउने वाचा गरेका थियौं र म धेरै खुसी छु कि सिद्धू पाजी पनि अर्चना जीसँगै यस परिवारको हिस्सा बनेका छन् । अब हामी सबैले धेरै रमाइलो कुराकानी, शायरी र मस्ती गर्नेछौं । वातावरण तयार छ, त्यसैले सम्पर्कमा रहनुहोस् किनभने यस सिजनमा मजाक र हाँसो दुवै ३ गुणा बढेको छ ।’

सुनील ग्रोवर, कृष्ण अभिषेक र किकु शारदा पनि शोको हिस्सा हुन् । तेस्रो सिजन जुन २१ मा नेटफ्लिक्समा सुरु हुनेछ ।