रानीकोटबाट हिमाल हाँसेको हेर्दा (तस्वीरहरू)

भक्तपुर । सूर्यविनायकबाट करिब १० किमी टाढा रहेको रानीकोट हालका वर्षहरूमा काठमाडौं उपत्यकाभित्रको लोकप्रिय हाइकिङ गन्तव्यमध्ये एक बनेको छ । भक्तपुरको दक्षिणी भागमा अवस्थित रानीकोट, काभ्रेपलाञ्चोक भक्तपुर र ललितपुर जिल्लाको सीमाना स्थल समेत हो ।

भक्तपुरबाट डोलेश्वर-पाटी भन्ज्याङ, यसैगरी सूर्यविनायक-घ्याम्पे डाँडा र ललितपुरबाट लाँकुरी भन्ज्याङ-बतासे डाँडा हुँदै सडकमार्गबाट रानीकोट पुग्न सकिन्छ ।

समुन्द्री सतहबाट २,७८२ मिटरको उचाइमा रहेको रानीकोट, छोटो र रमाइलो हाइकिङको लागि उपयुक्त स्थानको रूपमा परिचित छ । यहाँबाट अन्नपूर्ण हिमशृङ्खलादेखि गौरीशङ्कर हिमालसम्मको मनमोहक दृश्य देखिन्छ ।

रानीकोटको ऐतिहासिक महत्त्व पनि निकै रोचक र महत्त्वपूर्ण छ । भक्तपुर नगरको दक्षिणी क्षेत्रको यो स्थान काठमाडौं उपत्यकामा रहेको किल्लामध्ये एक महत्त्वपूर्ण किल्ला थियो, जसले भक्तपुर र अन्य आसपासका क्षेत्रहरूको सुरक्षा गर्ने कार्य गर्दथ्यो ।

रानीकोटबाट हिमालसँगै उपत्यकाको मनोरम दृश्य समेत देख्न सकिन्छ ।

तस्वीरहरु:-