बुद्ध माविका प्रधानाध्यापक बम्जनमाथि गोली प्रहार गर्ने एक जना पक्राउ

काठमाडौं ।  मकवानपुरको बकैया गाउँपालिका-३ स्थित बुद्ध माविका प्रधानाध्यापक प्रेम बम्जनमाथि गोली प्रहार गर्ने एक जना पक्राउ परेका छन्।

पक्राउ पर्नेमा सर्लाही जिल्ला बागमती -७ का  ३० वर्षिय प्रमानन्द भन्ने विजनन्द ठाकुर रहेका छन् । बागमती-१ बोटगाउँका  ४० वर्षिय  बम्जनमाथि  गत आइतबार झाप्सेमा  गोली प्रहार भएको थियो ।

घटनामा संम्लग्न तीन जनामध्ये एक जनालाई पक्राउ गरिएको  र अन्यको खोजी कार्य जारी रहेको बताइएको छ। ठाकुरलाई बागमती – १२ बथानेटोल सर्लाहीबाट प्रहरी टोलीले नियन्त्रणमा लिएको सिन्धुली प्रहरीले जनाएको छ ।

गोली प्रहारबाट घाइते भएका बम्जनको ह्याम्स अस्पतालमा उपचार भइरहेको छ ।