दुर्घटना गराएर भागेका झाँक्री प्रकाश भुजेल पक्राउ

काठमाडौं । दुर्घटना गराएर भागेका झाँक्री भनिने प्रकाश भुजेल पक्राउ परेका छन् । उनी बौद्धबाट पक्राउ परेका प्रहरी बृत्त बौद्धले जनाएको छ ।

आफूलाई ‘बिरामीको साथी धर्म गुरु’भनेर चिनाउने उनले चलाएको गाडीको ठक्करबाट शंखरापुर नगरपालिका इन्द्रायणीमा मोटरसाईक चालक र पछाडि बस्ने महिला घाइते भएका छन् ।

सटरभित्र गाडी छिराएर ‘भाइरल झाँक्री’ प्रकाश भुजेल फरार, घटनास्थलमा आक्रोशित स्थानीयको भीड

सो क्रममा उनी सडक छेउको घरको सटरमा गाडीले हानेर फरार भएका हुन् ।

बा १९ च ३६९५ नम्बरको भुजेलको गाडीको ठक्करबाट मोटरसाइकल पछाडि बस्ने सानुमाया नगरकोटी गम्भीर घाइते भएकी छिन् । उनको ग्रान्डी अस्पताल धापासीमा उपचार भइरहेको छ ।

मोटरसाइकल कागेश्वरी मनोहरा नगरपालिका–२ बस्ने ३८ वर्षीय नारायण नगरकोटीले चलाएका थिए । उनको निधन भएको छ ।