ममता हत्या प्रकरणमा नरेश भट्टले पाएनन् जमानत

काठमाडौं। अमेरिकाको एक अदालतले ममता काफ्ले बेपत्ता तथा हत्या प्रकरणमा काफ्लेका श्रीमान नरेश भट्टलाई धरौटीमा रिहा गर्न अस्वीकार गरेको छ ।

न्यायधीशले ममता बेपत्ता हुनु र त्यसमा उनका पति भट्टको संलग्नताबारे नयाँ प्रमाण भेटिएपछि जमानत अस्वीकार गरेको बताइएको छ ।

ममताको शव अहिलेसम्म नभेटिएकोले आफूलाई हिरासतमा राखिराख्न नहुने दाबीसहित नरेशले धरौटीमा रिहा गर्न माग गरेका थिए ।

सुनवाइको क्रममा सरकारी वकिलले नरेशले ममताको शव टुक्रा–टुक्रा पारेर विभिन्न स्थानमा फ्याकेको प्रमाण पेस गरेका थिए ।

प्रिन्स विलियम काउन्टीका अभियोजनकर्ताले अदालतको कोठामा सरकारी वकिलले उनीहरुको घर र बाथरुममा काफ्लेको मृत शरीरको संकेत फेला पारेको बताएका थिए ।

ममता हराउने बित्तिकै नरेश कयौँ स्थानमा फोहोरको झोला फ्याक्न गएको सीसीटीभी फुटेजले देखाएको थियो ।

यी पनि पढ्नुहोस :

लोकप्रिय (यो साता)