बर्दियामा गैँडाले हानेर गाइडको ज्यान गयो, अमेरिकी नागरिक घाइते

बर्दिया । बर्दियाको मधुवन नगरपालिका–६ मा बर्दिया राष्ट्रिय निकुञ्जको मध्यवर्ती इलाकामा पर्ने डल्ला सामुदायिक वनमा गैंडाको आक्रमणबाट एकजना गाइडको मृत्यु भएको छ ।

वरिष्ठ पथ प्रदर्शक ३६ वर्षीय मनमोहन चौधरीको मृत्यु भएको हो भने एक अमेरिकी नागरिकसहित दुई जना घाइते भएका छन् ।

बर्दिया राष्ट्रिय निकुञ्जका सूचना अधिकारी पुरुषोत्तम वाग्लेका अनुसार, निकुञ्ज र डिभिजन वनको सीमामा पर्ने क्षेत्रमा ‘जंगल वाक’मा गएका बेला शुक्रबार बिहान ८ देखि ९ बजेको बीचमा घटना भएको हो ।

घाइतेमध्ये विदेशी नागरिकको भुरीगाउँ नगर अस्पतालमा उपचार भइरहेको छ । अर्का घाइतेको अवस्था सामान्य रहेको सेनाले जनाएको छ । अर्का घाइते वनपाले हुन् ।