शान्तिनगरमा ट्याक्टर दुर्घटना : ४ जना घाइते, एकको अवस्था गम्भीर

नेपालभ्युज

काठमाडौं । दाङको शान्तिनगर गाउँपालिका– १ को गुन्डले खोलामा रा १ त २३१७ नम्बरको ट्र्याक्टर अनियन्त्रित भइ दुर्घटनामा परेको छ । सोमबार बेलुकी भएको उक्त दुर्घटनामा परी चार जना घाइते भएका छन्।

इलाका प्रहरी कार्यालय तुलसीपुरका अनुसार घाइतेमध्ये तीन जनाको अवस्था मध्यम र एक जनाको गम्भीर रहेको छ।

घाइते हुनेमा शान्तिनगर गाउँपालिका– २ का ३९ वर्षीय भिमबहादुर बुढाथोकी, ५२ वर्षीय लाटो राना, २३ वर्षीय उमेश भण्डारी र ५१ वर्षीय धनबहादुर भण्डारी रहेका छन् ।

टाउको, दुबै हातखुट्टा र छातीमा चोट लागेका धनबहादुर भण्डारीको अवस्था गम्भीर रहेको बताइएको छ । घाइतेहरूको तुलसीपुरस्थित राप्ती प्रादेशिक अस्पतालमा उपचार भइरहेको छ ।

ट्याक्टरमा ६ जना सवार थिए ।