जनमतले मधेसको मुख्यमन्त्रीमा दाबी पेश गर्दै, आजै सपथ लिने

नेपालभ्युज

जनमतले मधेसको मुख्यमन्त्रीमा दाबी पेश गर्दै, आजै सपथ लिने

काठमाडौं । मधेश प्रदेशमा नयाँ सरकारका लागि ६ दलिय गठबन्धनले आज प्रदेश प्रमुख सुमित्रा भण्डारीसमक्ष दावी पेश गर्ने भएको छ ।

प्रदेश प्रमुखले दिएको समय सिमा घर्किनु अघि नै गठबन्धनले दाबी पेश गर्ने बताएको छ । दलहरुलाई दाबी पेश गर्न प्रमुख भण्डारीले आज बिहान १० बजेसम्मको समयसीमा तोकेकी छन् । सो समय अगावै दाबी पेश गरिने गठबन्धनको तयारी छ ।

गठबन्धनमा नेकपा एमाले, नेकपा माओवादी केन्द्र, जनमत पार्टी, नेकपा एस, नागरिक उन्मुक्ति पार्टी र नेपाल संघीय समाजवादी आवद्ध छन् । मन्त्रालय बाँडफाँडमा सहमति जुट्न नसक्दा आज मात्रै गठबन्धनले दाबी पेश गर्न लागेको हो ।

गठबन्धनले जनमतका सतिशकुमार सिंहलाई मुख्य मन्त्रीमा नियुक्तिका लागि दाबी पेश गर्ने भएको छ । सिंहले मुख्यमन्त्रीमा आजै सपथ लिने बताइएको छ ।

नेकपा एमालेले चार मन्त्रालय, जनमतले मुख्यमन्त्रीसहित तीन मन्त्रालय, माओवादी र नेकपा एसले २/ २ मन्त्रालय लिने गठबन्धनभित्र सहमति भएको छ ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved