६२ करोड गैरकानुनी सम्पत्ति आर्जन गरेको आरोपमा विकल पौडेलविरुद्ध मुद्दा दायर

काठमाडौं । अख्तियार दुरूपयोग अनुसन्धान आयोगले सुरक्षण मुद्रण केन्द्रका तत्कालिन कार्यकारी निर्देशक विकल पौडेलविरूद्ध भ्रष्टाचार मुद्दा दायर गरेको छ ।

गैरकानुनी रूपमा सम्पत्ति आर्जन गरेको आरोपमा आयोगले पौडेलविरूद्ध विशेष अदालत काठमाडौंमा मुद्दा दायर गरेको हो ।

अदालतमा दायर गरेको आरोपपत्रमा आयोगले सिंगापुर र अमेरिकामा समेत रकम लुकाएको देखिएको भन्दै पौडेलमाथि ६२ करोड रूपैयाँ गैरकानूनी सम्पत्ति आर्जन गरेको अभियोग लगाएको छ ।

सेक्युरिटी प्रिन्टिङ प्रेस प्रकरण : विकल पौडेलसहित चार जना दोषी ठहर

उनी यसअघि सेक्युरिटी प्रिन्टिङ प्रेस प्रकरणमा दोषी ठहर भएका थिए ।

जेठ ८ गते विशेष अदालतका अध्यक्ष टेकनारायण कुँवर र सदस्य मुरारीबाबु श्रेष्ठको इजलासले पौडेललाई २ वर्ष कैद र २५ करोड ४७ लाख विगो असुल गर्नुपर्ने फैसला सुनाएको थियो ।

पौडेलविरूद्ध अन्य दुई मुद्दा पनि विशेष अदालतमा विचाराधीन छन् ।

झुटा विवरण पेश गरी सरकारी पदमा पुगेको र सुरक्षण मुद्रण केन्द्रमा अनावश्यक सामान खरिद गरेको आरोपमा दायर गरेको मुद्दा विचाराधीन छन् ।

अमेरिकाको पीआर लिएर नेपालमा सरकारी नियुक्ति, पौडेलविरुद्ध अख्तियारले हाल्यो अर्को मुद्दा