पक्राउ पुर्जी खारेजीको माग गर्दै कैलाश सिरोहिया सर्वोच्च अदालतमा

काठमाडौं । जिल्ला अदालत, धनुषाबाट जारी भएको पक्राउ पुर्जीविरुद्ध कान्तिपुर मिडिया ग्रुपका अध्यक्ष कैलाश सिरोहिया सर्वोच्च अदालत पुगेका छन् ।

आफूलाई पक्राउ अनुमति दिने जिल्ला अदालतको अनुमतिपत्र खारेज हुनुपर्ने माग राख्दै उनी सर्वोच्च अदालत पुगेका हुन् ।

सिरोहियाको पक्षमा कांग्रेसका सांसद, सहकारी ठगी प्रकरण विषयान्तर गर्न पक्राउ पुर्जी जारी भएको निष्कर्ष

सिरोहियाको नागरिकतामा कैफियत रहेको भन्दै प्रहरीले उनीमाथि छानबिन अघि बढाएको छ । त्यसक्रममा मंगलबार जिल्ला अदालतबाट पक्राउ अनुमत पत्र पनि लिएपछि धरपकड गर्न सक्ने भन्दै सर्वोच्च गएका हुन् ।

सिरोहिया गत २५ बैशाखमा आफूलाई प्रहरीले पक्राउ गर्न खोजेको भन्दै त्यसविरुद्ध सर्वोच्च अदालत गएका थिए । अन्तरिम आदेशको छलफलका लागि अदालतले दुवै पक्षलाई झिकाएपछि निवेदनमाथि सुनुवाइ हुन सकेको छैन ।