काठमाडौं । भारतकी अभिनेत्री एवं मोडेल पूनम पाण्डेको मृत्यु भएको उनकै इन्स्टाग्राम ह्याण्डलबाट जानकारी दिइएपछि अनेक खालका चर्चा भइरहेका छन् ।
उनको मृत्यु भएको परिवारले अझै पुष्टि गरेको छैन । यो सँगै थुप्रै प्रश्न उठेका छन् । सामाजिक संजालमा पनि घटनाबारे छानबिनको माग भइरहेको छ ।
समाजिक संजालमा धेरैले उनको मृत्यु भएको भन्नेमै प्रश्न उठाइरहेका छन् । पाण्डेको परिवारका तर्फबाट सार्वजनिक रुपमा अहिलेसम्म केही बताइएको छैन ।
उनको परिवारका कुनै पनि सदस्यले पूनमको मृत्यु भएको पुष्टि नगरेको भारतीय संचारमाध्यमले जनाएका छन् ।
यसअघि पूनमको पब्लिक रिलेशन सम्हालेको दाबी गर्ने केही म्यानेजरलाई उदृत गर्दै मृत्यु भएको खबर पुष्टि गर्ने प्रयास भएको थियो ।
बीबीसीसँग पूनमको प्रचार हेर्ने पारुल चावलाले उनी बिरामी भएको आफूलाई थाहा नभएको बताएकी छन् । जबकी पूनमको सर्विकल क्यान्सरबाट मृत्यु भएको बताइएको थियो ।
पूनमको इन्स्टाग्राममा पनि मृत्युको कारण यस्तै बताइएको छ । तर, यसअघि उनलाई क्यान्सर भएको कहिल्लै सार्वजनिक भएको थिएन ।
केही समय अघिका उनका भिडिओमा पनि पूनम तन्दुरुस्त देखिएको भन्दै समाजिक संजालमा ब्यापक प्रतिक्रया व्यक्त भइरहेका छन् ।
क्यान्सर भएको भए उनले केहीदिन अघि यसरि हाँसेर कसरी भिडिओ बनाउन सक्छिन् ? भन्दै थुप्रै भिडिओहरु पनि पोस्ट भइरहेका छन् ।
उनको मृत्यु कानपुरमा भएको बताइएको थियो । तर, कानपुर प्रहरीले पनि यसबारेमा आफूलाई कुनै जानकारी नभएको बताएको छ।
कतिपयले लागूपदार्थको अत्यधिक सेवनले उनको मृत्यु भएको समेत बताइरहेका छन् । परिवारको मौनताले यसबारेको रहस्य बढ्दै गएको छ ।
Facebook Comment
Comment