अमेरिकाको न्युयोर्कमा आँधीले क्षति, आपतकालीन अवस्थाको घोषणा

नेपालभ्युज

अमेरिकाको न्युयोर्क सहरमा शक्तिशाली आँधीपछि आपत्कालीन अवस्था घोषणा गरिएको छ। बाढीका कारण आपत्कालीन अवस्थाको घोषणा गरिएको हो । सडक र विमानस्थल अस्तव्यस्त भएको छ।

लागार्डिया एअरपोर्टको एउटा टर्मिनल बाढीपछि बन्द गरिएको छ। जनजीवन प्रभावित भएको छ। केही क्षेत्रमा पाँच इन्च अर्थात् १२ दशमलव ७ सेन्टिमिटरसम्म पानी परेको छ। न्युयोर्कका गभर्नर क्याथी होचुलले मानिसलाई सुरक्षित रहन र बाढी पसेका सडकमा यात्रा नगर्न आग्रह गरेका छन्।

हवाई यात्रुलाई पनि यात्रा गर्नुपूर्व अधिकारीसँग सोधीखोजी गर्न अनुरोध गरिएको छ।