बालकृष्ण खाणसहित १२ जनालाई थप ४ दिन थुनामा राख्ने अनुमति

नेपालभ्युज

काठमाडौं । पूर्वगृहमन्त्रीसमेत रहेका नेपाली कांग्रेसका नेता बालकृष्ण खाणसहित नक्कली शरणार्थी प्रकरणमा पक्राउ परेका १२ जनालाई थप ४ दिन थुनामा राखेर अनुसन्धान गर्न अनुमति दिइएको छ ।

नक्कली शरणार्थी प्रकरणमा मुछिएका खाणलाई आइतबार जिल्ला अदालत, काठमाडौंमा उपस्थित गराइएको थियो । त्यसक्रममा अदालतले उनीसहित सबैलाई थप ४ दिन थुनामा राखेर अनुसन्धान गर्न अनुमति दिएको हो ।

म्याद थपका लागि बालकृष्ण खाणलाई सरकारी वकिलको कार्यालय पुर्‍याइयो

नक्कली शरणार्थी प्रकरणमा अहिलेसम्म १२ जना पक्राउ परिसकेका छन् भने पक्राउ पुर्जी जारी भएका कतिपय फरार छन् । खाणसहित पूर्वगृहसचिव टेकनारायण पाण्डे, पूर्वगृहमन्त्री रामबहादुर थापाका सल्लाहकार इन्द्रजित राईलगायतका १२ जना पक्राउ पर्दा पूर्वउपप्रधानमन्त्रीसमेत रहेका नेकपा (एमाले) का सचिव टोपबहादुर रायमाझी फरार छन् । रामबहादुर थापा बादलका छोरा प्रतीक थापाविरुद्ध पनि पक्राउ पुर्जी जारी भइसकेको छ ।