अम्बानी परिवारमा शाही वस्तुहरूको चर्चा, करोडौं मूल्यका ब्यागदेखि सारीसम्म

एजेन्सी। हिजोआज भारतीय धनाड्य मुकेश अम्बानी परिवारका विलासिताका सामग्रीहरूको खुबै चर्चा भइरहेको छ । अम्बानी परिवारका घडी, झोलादेखि लिएर कपडाहरूको मूल्य पनि करोडौंसम्म पर्ने बताइएको छ।

त्यस्तै मुकेश अम्बानीका छोरा अनन्त अम्बानीको घडीको चर्चा भइरहेको छ । उनले मुकेश अम्बानी कल्चरल सेन्टरमा ‘पाटेक फिलिप’ को ‘ग्रान्डमास्टर चाइम’ घडी लगाएर देखिएका थिए । एक भारतीय मिडियाअनुसार उक्त घडीको मूल्य १८ करोड भारतीय रुपैयाँ बताइएको छ।

उक्त कार्यक्रममा नीता अम्बानीले लगाएको साडीको मूल्य पनि करोडौंको भएको बताइएको छ । त्यस्तै, छोरी ईशा अम्बानी पनि उक्त कार्यक्रममा खास पहिरनमा देखिएकी थिइन् । जसको मूल्य एकदमै धेरै रहेको बताइएको छ।

रिपोर्टका अनुसार बुहारी राधिकाले लिएको ब्यागको मूल्य एक करोड ७० लाख रुपैयाँ बताइएको छ । त्यसो त अम्बानी परिवारले यस्ता महँगा सामग्रीहरू प्रयोग गरेको पहिलो पटक होइन । उनीहरू सधैं एकदमै विलासी चिजहरू प्रयोग गरेर चर्चामा आइरहेका हुन्छन्।