एजेन्सी । कपाल झर्नु हिजोआज सामान्य कुरा भइसकेको छ । मोटो, सुन्दर र लामो कपाल आजभोलि शहरमा कमै देख्न पाइन्छ ।
गलत खाना खानु, घरबाहिरको खाना धेरै खानु, धुम्रपान, प्रदुषण, अनियमित दिनचर्याले यस समस्यालाई झनै बढाइदिएको छ । तमाम उपाय र अपनाउँदा पनि कपाल झर्न कम नै हुँदैन ।
तर योगद्वारा कपाल झर्न कम गर्न सकिन्छ । कपाल मात्र होइन यसले पुरै शरीरलाई नै फाइदा पुर्याउँछ । विशेष कपालसँग जोडिएका पाँच योगासनका बारेमा जानौं ।
अधोमुख शवासन
कुकुर जस्तो भुँईमा झुक्ने पोजिशनले टाउकोमा रक्तसंचार बढ्ने गर्छ । यो साइनस र चिसोको लागि पनि राम्रो उपचार हो ।
दिमागी थकान, तनाव र निद्रा नआउने जस्ता समस्याको लागि पनि अधोमुख शवासन लाभदायक हुन्छ ।
उत्थानासन
उत्थान आसन कपालको छालामा रक्तसंचारमा सुधार ल्याउँछ । यस आसनले थकान र चिन्ता टाढा जान्छ ।
यसले पाचन प्रक्रियामा पनि सुधार ल्याउनुका साथै दिमागलाई शान्त बनाउँछ र कब्जीयत पनि हट्छ ।
बज्रासन
बज्रासनलाई डायमण्ड पोज पनि भनिन्छ । यसको विशषेता भनेको यो आसनलाई खाना खाएको तुरुन्तै पनि गर्न सकिन्छ । यसमा अलिकति अगाडि झुक्नु आवश्यक हुन्छ ।
जसले रक्तसंचार राम्रो बनाउनुका साथै पिशाव सम्बन्धी विकार पनि हटाउँछ, सँगै वजन पनि कम गर्न मद्दत गर्छ । यसले पेटको ग्यास कम गर्न पनि मद्दत गर्छ ।
पाचनमा सुधार आउँदा शरिरीक सन्तुलन बढ्छ जसले गर्दा कपाल झर्न कम हुन्छ ।
सर्वाङ्गासन
सर्वाङ्गासनले थाइराइड ग्रन्थीलाई पोषण दिन सहायक हुन्छ जसले गर्दा तपाईको श्वास, पाचन लगायतका गन्थ्रीले स्वस्थ तरिकाले काम गर्छन् ।
यो आसनमा टाउको हल्का झुकेको हुन्छ जसले टाउकाको छालामा रक्तसंचार राम्रो बनाउँछ र कपाल झर्न कम हुन्छ ।
कपालभाँती
कपालभाँतीले तपाईको मस्तिष्कको कोशिकाहरुमा अधिक मात्रामा अक्सिजन पुग्छ । यसले शरीरको विषाक्त पदार्थलाई बाहिर निकाल्छ साथै यसले मोटोपन तथा मधुमेह कम गर्न मद्दत गर्छ ।
यसले शारिरीक स्वास्थमा सन्तुलन बनाइराख्छ जसकारण कपाल झर्न पनि कम हुन्छ । जो व्यक्तिहरुलाई हृदयसम्बन्धी समस्या छ, दम, अर्थराइटिस, तनाव, माइग्रेन आदिको लागि पनि यो प्राणायाम एकदमै लाभदायक छ ।
Facebook Comment
Comment