काठमाडौं। नवौं राष्ट्रिय खेलकुदको महिला क्रिकेटमा नेपाल पुलिस क्लबले स्वर्णपदक जितेको छ । पहिलो सहभागितामा नै पुलिसले स्वर्ण जित्न सफल भएको हो ।
मङ्गलबार भएको फाइनल खेलमा पुलिसले एपीएफलाई ५ रनले पराजित गरेको हो । टस जितेर ब्याटिङ रोजेको पुलिसले २० ओभरमा ४ विकेट गुमाएर ८९ रन बनायो । उसको लागि काजल श्रेष्ठले २७ र सम्झना खड्काले २१ रन बनाइन् । एपीएफका लागि नेरी थापा, इन्दु बर्मा र सीता राना मगरले १–१ विकेट लिइन् ।
९० रनको लक्ष्यमा जवाफी ब्याटिङ गरेको एपीएफले २० ओभरमा ७ विकेट गुमाएर मात्र ८४ रन बनाउन सफल भयो । उसका लागि रोमा थापाले २६ र राजमती ऐरीले १२ रन बानाइन् । पुलिसका लागि इश्वर बिष्टले २ तथा रुबिना क्षेत्री, संगीता राई र हिरण्मयी राईले १–१ विकेट लिए ।
यससँगै एपीएफले रजत पदक जितेको छ । बिहान भएको खेलमा बागमतीले काश्य पदक जित्न सफल भयो ।
Facebook Comment
Comment