SKIP

होमपेज >
समाचार
अर्थ

तनहुँमा फौजी किराले मकैबाली नष्ट, ‘बिहान उठेर मकैबारी हेर्दा उराठ लाग्छ’

राम्रो मूल्य पाउने आशामा हिउँदे मकैखेती लगाए पनि चमरा काढ्ने र घोगा हाल्ने समयमा एकाएक फौजी किरा आएर नष्ट गरिदिएको उनीहरुको भनाइ छ ।

नेपालभ्युज

तनहुँमा फौजी किराले मकैबाली नष्ट, ‘बिहान उठेर मकैबारी हेर्दा उराठ लाग्छ’

तनहुँ। व्यास नगरपालिका–१३ मा फौजी किराको प्रकोपका कारण किसानले लगाएको मकैबाली नष्ट गरेको छ । मकैको घोगा लाग्ने समयमा किराले खाएर नष्ट गरेपछि किसान चिन्तित भएका उनीहरु समस्यामा परेका हुन् ।

करिब १० रोपनी क्षेत्रफलमा लगाएको मकैबाली किराले नष्ट गरिदिएको स्थानीय किसान मेघनाथ आचार्यले जानकारी दिए । “घोगा लाग्ने समयमा किराले मकै नष्ट गरिदियो । यसअघिका दुई वर्षसम्म लगातार फौजी किराले मकै नष्ट गरेपछि घाटा ब्यहोर्नुपरे पनि यसपटक केही होला भनेको फेरि उस्तै भयो”, उनले भने ।

राम्रो मूल्य पाउने आशामा हिउँदे मकैखेती लगाए पनि चमरा काढ्ने र घोगा हाल्ने समयमा एकाएक फौजी किरा आएर नष्ट गरिदिएको उनीहरुको भनाइ छ । किराको रोकथामका लागि पटकपटक औषधि प्रयोग गरे पनि समाधान गर्न नसकिएको जनाइएको छ ।

सधैँ यस्तै बाली नष्ट हुन थालेपछि अर्को वर्षदेखि घाँस लगाउने योजनामा त्यस क्षेत्रका किसान रहेका छन् ।

पन्ध्र वर्षसम्म लगातार वैदेशिक रोजगारमा पसिना बगाएर अब आफ्नै देशमा कृषि पेशा गर्ने सोच बनाएर बसे पनि उपलब्धि नदेखिएको किसान आचार्यको भनाइ छ । कति विदेश बस्ने भनेर अब आफ्नै परिवारसँग बसेर कृषि पेशा गरौँ भनेर अँगाल्दा घाटामात्रै भोग्नुपरेको उहाँको दुःखेसो छ । उहाँले मकैखेती सँगसँगै कोदोखेतीका साथै गाईपालन पनि गर्दै आएका छन् । मकैसँगै कोदोमा पनि फौजी किराले नोक्सान पुर्‍याएको छ ।

मकै र कोदोबालीमा किराले नष्ट बनाएपछि सम्बन्धित कार्यलय वडाको कृषि प्रविधिक, नगरपालिकामा र कृषि ज्ञान केन्द्रमा जानकारी गराउँदा कृषि ज्ञान केन्द्रले औषधि दिनेबाहेक अन्य केही सहयोग नपाएको किसानको गुनासो छ । स्थानीय अर्का किसान तिलकुमारी आचार्यले पनि बर्सेनि फौजी किराले मकैबाली नष्ट हुँदा घाटा व्यहोर्नुपरेको बताए। किसानलाई घाटा पर्दा कुनै पनि निकायबाट सहयोग नपाउँदा दुःख लागेको उहाँले बताउनुभयो । बिहान उठेर मकैबारी हेर्दा निकै उराठ लाग्ने गरेको किसान बताउँछन् ।

व्यास नगरपालिकामा दक्ष प्राविधिक नहुँदा किसानले समस्या भोग्नुपरेको ब्यास नगरपालिका–१३ का वडाध्यक्ष वसन्तबहादुर आलेले बताए । कृषिखेती गर्ने किसानले भरिएको वडा भए पनि सधैँ किसानले नोक्सान व्यर्होनुपरेको उनले बताए । दीर्घकालीनरूपमा कसरी समाधान गर्न सकिन्छ भनेर गम्भीरताका साथ लागिएको छ । उनले भने, “किसानलाई राहत दिलाउनका लागि आफूले पनि पहल गरिरहेको छु ।”

फौजी किरा

नेपालभ्युज

१९ भदौ २०७९ ७:०८

Facebook Comment

Comment

थप समाचार

न्यूज अपडेट

९७ वर्षीया वृद्धाको स्तन क्यान्सरको सफल शल्यक्रिया
रवि लामिछाने जोडिएको सहकारीको पैसा अपचलनबारे छानबिन गर्न संसदीय समिति बनाउन सहमति
पहिलो करोडपति विजेताले बुवालाई भनेका कुरा सुनेर पर्नुहुनेछ अचम्म
मोदीलाई केजरीवालको चुनौती : भोलि भाजपाको मुख्यालय जाँदैछु, जेल हाल्नुहोस्
प्रचण्ड र ओलीलाई सभामुखको आग्रह : भोलि बिहान ११ बजेअघि नै कांग्रेससँग सहमति जुटाउनुस्
तनहुँमा पौडी खेल्ने क्रममा डुबेर दुई युवाको मृत्यु
बालुवाटारमा शीर्ष नेताहरूबीच छलफल जारी

तनहुँमा फौजी किराले मकैबाली नष्ट, ‘बिहान उठेर मकैबारी हेर्दा उराठ लाग्छ’

नेपालभ्युज

नेपालभ्युज

Facebook Comment

Comment

Leave a Reply Cancel reply

लोकप्रिय (यो साता)

न्यूज अपडेट

सम्पर्क

विज्ञापनका लागि सम्पर्क

सामाजिक संजाल

प्रदेश

नेपाल भ्युज विशेष