पार्टी निकट युवाको कार्यक्रममा एमाले अध्यक्ष ओलीले भने, ‘काम नगरी माथि जान पाइदैन, यो लुडो खेलेको होईन’

नेपालभ्युज

काठमाडौं । नेकपा एमालेका अध्यक्ष केपी ओलीले काम नगरी पदमा जाने ललसा नराख्न आग्रह गरेका छन् ।

आइतबार काठमाडौंमा आयोजित राष्ट्रिय युवा परिषद्‍को कार्यक्रममा अध्यक्ष ओलीले अहिले पार्टीमा केही योगदान नगरी माथिल्लो पदमा जान खोज्ने प्रवृति देखिएको बताए ।

अध्यक्ष ओलीले भने, ‘पार्टीमा योगदान केही छैन । इतिहास केही छैन । कामदाम केही गरेको छैन एकैचोटी प्रधानमन्त्रीमा टप्किने ? लुडो खेल्या हो ?’ प्रतिस्पर्धाका आधारमा मात्रै नेतृत्वमा जान उनले सुझाव दिए ।

उनले काम गरेकालाई मात्रै अघि बढाउने आश्वासन पनि दिए । जसले जे गर्छ त्यसै अनुसारको जिम्मेवारी पाउने उनको भनाई छ । अध्यक्ष ओलीले एमालेमा कहिल्यै नातावाद र कृपावादका आधारमा नेतृत्व चयन नहुने पनि दाबी गरे ।