पल शाह प्रकरण: बयान फेर्दै नाबालिगका बुबाले भने, ‘मैले देखेको होइन, उक्साहटमा जाहेरी दिएको हुँ’

यसअघि, उक्त मुद्दामा पीडित भनिएकी नाबालिगले पनि अदालतमा बकपत्र गर्दा उजुरीको समयमा भन्दा अलग बयान दिएकी थिइन्।

नेपालभ्युज

काठमाडौं। पल शाहले आफ्नी नाबालिग छोरीलाई जबरजस्ती करणी गरेको भन्दै उजुरी दिएका नाबालिग गायिकाका बाबुले पनि बयान फेरेका छन्। जिल्ला अदालत तनहुँमा उनले बयान फेरेका हुन्।

नाबालिगका बाबुले जाहेरी आफूल नै दिएको तर अरुको उक्साहटमा सुनेको भरमा दिएको बयान दिएका छन्। अदालतमा बकपत्र दिँदा उनले शुरुमा आफूले जाहेरी दिएको तर पछि बुझ्दै जाँदा त्यो कुरा यथार्थ नभएको बताएका हुन्।

यसअघि, उक्त मुद्दामा पीडित भनिएकी नाबालिगले पनि अदालतमा बकपत्र गर्दा उजुरीको समयमा भन्दा अलग बयान दिएकी थिइन्। उनले आफूमाथि बलात्कार नभएको बताएकी थिइन्।