विश्वभर कोरोना संक्रमितको संख्या ३१ करोड नाघ्यो

नेपालभ्युज

काठमाडौँ। विश्वभर कोरोनाका कूल संक्रमितको संख्या ३१ करोड नाघेको छ। कूल संक्रमितको संख्या ३१ करोड ४ लाख ४० हजार पुगेको हो। पछिल्लो २४ घण्टामा १८ लाख ७८ हजार ७१४ जना कोरोना संक्रमित थपिएसँगै यो संख्या पुगेको हो।

तीमध्ये २६ करोड ४ लाख एक हजार जना निको भएका छन्। ५५ लाख ११ हजारको मृत्यु भएको छ।

पछिल्लो २४ घण्टामा थपिने संक्रमितमा अमेरिकामा ४ लाख ९७ हजार, भारतमा एक लाख ६१ हजार संक्रमित थपिएका छन्। बेलायतमा एक लाख ४२ हजार र इटलीमा एक लाख एक हजार छन्। त्यसैगरी स्पेनमा ९७ हजार, फ्रान्समा ९३ हजार, अर्जेन्टिनमा ८८ हजार र टर्कीमा ६५ हजार थपिएका छन्। मृत्यु हुनेमा अमेरिकामा ८१५, रुसमा ७४१, फ्रान्समा २८०, इटलीमा २२७, जर्मनीमा १७५, टर्कीमा १४१, ब्राजिलमा १११ र बेलायतमा ७७ जना छन्।