सत्ता गठबन्धनको बैठक बस्दै, आज मन्त्रिपरिषद् विस्तार हुने

नेपाल भ्यूज

सत्ता गठबन्धनको बैठक बस्दै, आज मन्त्रिपरिषद् विस्तार हुने
फाइल तस्वीर

काठमाडौं। नेकपा (एकीकृत समाजवादी) स्थायी कमिटी बैठकलगत्तै सत्ता गठबन्धनका शीर्ष नेताहरूको बैठक बस्न बस्दै छ।

नेकपा एसको बैठक अहिले बसिरहेको छ। प्रधामन्त्री शेरबहादुर देउवाले आजै मन्त्रिपरिषद् विस्तार गर्ने तयारी गरेकाले नेकपा (एस) र जनता समाजवादी पार्टी (जसपा)ले सत्ता गठबन्धनको बैठकअघि मन्त्री छान्न आन्तरिक बैठक राखेको हो। जसपाका शीर्ष नेताहरू पनि सिंहदरबारस्थित संसदीय दलको कार्यलयमा अहिले पुगेका छन्।

बालुवाटार स्रोतका अनुसार हिजो बेलुकी प्रधानमन्त्री देउवाले आजै बिहान (बिहीबार) शीर्ष नेताहरूको बैठक डाके पनि नेकपा (एस)को बैठकका कारण उक्त बैठक प्रभावित भएको जनाएको छ। त्यसपछि देउवाले आजै नेकपा (एस) को बैठकपछि सत्ता गठबन्धनको बैठक राख्नेछन्।

माओवादी केन्द्रले सरकारमा सहभागी मन्त्रीहरूको नाम छानिसकेको छ भने कांग्रेसले अहिलेसम्म सार्वजनिक गरेको छैन। कांग्रेसको कोटाबाट वरिष्ठ नेता रामचन्द्र पौडल र पूर्वमहामन्त्री कृष्णप्रसाद सिटौला पक्षका मात्र सहभागी हुनेछन्।

Leave a Reply

Your email address will not be published.

सम्बन्धित

ट्रेन्डिङ

Copyright © 2022 Digital House Nepal Pvt. Ltd. - All rights reserved