क्युबामा १९५ किलोमिटर प्रतिघण्टाको गतिमा समुद्री आँधी, पूरै देश विद्युतविहीन

नेपालभ्युज

काठमाडौं। ‘इयान’ समुद्री आँधीका कारण क्युबा देश पूरै विद्युतविहीन बनेको छ । त्यहाँको सरकारी जानकारीअनुसार मुख्य पावर प्लान्टलाई पुनः संचालन गर्न नसकेपछि विद्युतीय व्यवस्था नै ध्वस्त बनेको अधिकारीहरूले बताएका छन् ।

त्यहाँका विद्युत् प्राधिकरणका प्रमुखले बताएअनुसार करिब १.१ करोड जनसङ्ख्या अन्धकारमा रहेका छन् । स्थानीय पत्रकारले एन्टानियो गुटेरेस थर्मो इलेक्ट्रिक पावर प्लान्ट पनि चलाउन नसकिएको जानकारी दिए ।

आँधीबाट कम्तीमा दुई जनाको मृत्यु भएको छ भने धेरै संरचनामा क्षतिमा पुगेको छ । १९५ किलोमिटर प्रतिघण्टाको गतिमा आएको सो आँधी यतिबेला अमेरिकाको फ्लोरिडा राज्यतर्फ अघि बढिरहेको छ ।