१४ वर्षीया किशोरीलाई बलात्कार गरेको आरोपमा वडा सदस्य पक्राउ

काठमाडौं। रोल्पाको त्रिवेणी गाउँपालिकाका एक जनप्रतिनिधि किशोरीलाई बलात्कार गरेको आरोपमा पक्राउ परेका छन्। त्रिवेणी गाउँपालिका ६ का वडा सदस्य ३५ वर्षीय मोहन केसी १४ वर्षीया किशोरीलाई बलात्कार गरेको आरोपमा पक्राउ परेका हुन्।

केसी ३० वैशाखमा भएको स्थानीय तह निर्वाचनमा त्रिवेणी गाउँपालिका वडा नम्बर ६ को वडा सदस्यमा निर्वाचित भएका थिए। केसी नेपाली कांग्रेसको तर्फबाट निर्वाचित भएका हुन्।

रोल्पाका प्रहरी प्रमुख डिएसपी विनोद घिमिरेका अनुसार गएको जेठ ३० गते रोल्पाकै माडी गाउँपालिका १ घर भएकी कक्षा ९ मा अध्ययनरत १४ वर्षीया किशोरीलाई उनले घरमै गएर जबरजस्ती करणी गरेको आरोप छ।

अभिभावकले किशोरीमाथि बलात्कार भएको उजुरी दिएपछि वडा सदस्य केसीलाई पक्राउ गरिएको प्रहरीले जनाएको छ।