युद्धविराम सम्झौताका लागि प्रयास जारी छ : हमास नेता

एजेन्सी । अमेरिकी राष्ट्रपति जो बाइडेनले कतारको खाडी क्षेत्रमा भएको वार्तापछि गाजामा युद्ध रोक्न ‘युद्धविराम’ सम्झौता नजिक पुगेको भन्ने खबरलाई शनिबार हमासका वरिष्ठ नेता सामी अबु जुहरीले खण्डन गर्दै यसका लागि प्रयासहरू जारी रहेको बताएका छन् ।

हमासका राजनीतिक विभागका सदस्य जुहरीले  भने, “हामी सम्झौताको नजिक पुगेका छौं भन्नु भ्रम हो । हामी कुनै सम्झौता वा वास्तविक वार्ताको सामना गरिरहेका छैनौं, बरु अमेरिकी आदेशको सामना गरिरहेका छौँ।”

बाइडेनद्वारा शुक्रबार सार्वजनिक टिप्पणीको जवाफमा उनले भन, “हामी पहिलेभन्दा धेरै नजिक छौं ।”

इजरायल र प्यालेस्टिनी हमास लडाकूबीचको मतभेद कम गर्न वासिङ्टनले कतारमा दुई दिनसम्म चलेको वार्तापछि बाइडेनले उक्त कुरा बताउनुभएको थियो । गाजा पट्टीमा दुई पक्षबीच १० महिनाभन्दा बढी समयदेखि युद्ध चलिरहेको छ ।

महिनौंसम्म चलेको युद्धविराम वार्ताको क्रममा विगतमा सिर्जना भएका आशाहरू अहिलेसम्म निरर्थक साबित भएका छन् ।

लेबनानको इरान समर्थित हेजबुल्लाह आन्दोलनका प्रमुख फुआद शुकर र हमासका राजनीतिक प्रमुख इस्माइल हनियाहको जुलाईको अन्त्यमा भएको हत्यापछि यो खतरा अझै बढेको छ ।

उनीहरूको मृत्युपछि हेजबुल्लाह, इरान र यस क्षेत्रका तेहरान समर्थित अन्य समूहहरूबाट प्रतिशोधको चेतावनी जारी गर्दै यस आक्रमणका लागि इजरायललाई दोषी ठहराइएको छ ।

पश्चिमा र अरब कूटनीतिज्ञहरू गाजा सम्झौताका लागि दबाब दिन र व्यापक द्वन्द्व टार्नका लागि मध्यपूर्वमा छलफल गरिरहेका छन्। छलफलले व्यापक क्षेत्रीय द्वन्द्व टार्न मद्दत गर्ने उनीहरूको भनाइ छ ।

अमेरिकी बाइडेन सरकारका विदेशमन्त्री एन्टोनी ब्लिन्केन सम्झौतालाई अन्तिम रूप दिन शनिबार इजरायल जाने कार्यक्रम छ ।