आहा ! जनकपुरधाम (तस्वीरहरू)

काठमाडौं । जनकपुरधाम, मधेश प्रदेशअन्तर्गत धनुषा जिल्लामा अवस्थित एक ऐतिहासिक, धार्मिक तथा सांस्कृतिक शहर हो ।

यो प्राचीन मिथिला राज्यको केन्द्र भएको मानिन्छ र हिन्दु धर्मावलम्बीहरूका लागि अत्यन्त पवित्र तीर्थस्थल मानिन्छ । जनकपुरधाम भगवान श्रीराम र सीता (जनकनन्दिनी) को विवाहस्थलको रूपमा विश्वभर प्रसिद्ध छ ।

जनकपुरधामलाई देवी सीताको जन्मस्थलको रूपमा चिनिन्छ । प्राचीन मिथिलाका राजा जनकले यहाँ राज्य गर्दथे, जसले रामायणमा वर्णित धनुष यज्ञको आयोजना गरेका थिए । यही यज्ञमा श्रीरामले शिवको धनुष भाँचेर सीतासँग विवाह गरेका थिए ।

यसैले जनकपुरधाम राम–सीता विवाहको ऐतिहासिक स्थल हो र यहाँको रामजानकी मन्दिर हिन्दु धर्मावलम्बीहरूको लागि प्रमुख तीर्थस्थल हो ।

तस्वीर – नेपाल न्युज बैंक