अनेरास्ववियुका नेता कमल जोशीलाई ८ दिनको म्याद थप

नेपालभ्युज

काठमाडौं । प्रहरीलाई कुटपिट गर्ने अनेरास्ववियुका स्थायी समिति सदस्य कमल जोशीलाई ८ दिनको म्याद थप भएको छ ।

जोशी ठमेलमा ड्युटीमा रहेका प्रहरीलाई कुटेको आरोपमा बिहीबार पक्राउ परेका हुन् ।

उनीमाथि अनुसन्धान गर्न शुक्रबार जिल्ला प्रशासन कार्यालय काठमाडौंले ८ दिन हिरासतमा राख्न प्रहरीलाई अनुमति दिएको हो ।

जोशीलाई काठमाडौं प्रशासनले अभद्र व्यवहारको कसुरमा ८ दिन हिरासतमा राखेर अनुसन्धान गर्न म्याद दिएको जिल्ला प्रहरी परिसर काठमाडौंका एसपी अपिल बोहराले जानकारी दिए ।