इजरायली राष्ट्रपतिले भने – विपिन जोशीसहित सबै बन्धक रिहा गर्न हरसम्भव प्रयास गरिरहेका छौँ

नेपालभ्युज

काठमाडौं । इजरायलका लागि नेपाली राजदूत धनप्रसाद पण्डितले विपिन जोशीको रिहाइका लागि पहल गरिदिन त्यहाँका राष्ट्रपति आइस्याक हेर्जोगसँग आग्रह गरेका छन् ।

पण्डितले मङ्गलबार राष्ट्रपति हेर्जोगसँगको टेलिफोन वार्तामा सो आग्रह गरेका हुन् ।

जवाफमा हेर्जोगले जोशी सहितसबै बन्धकहरूको सुरक्षित रिहाइ र स्वदेश फिर्ता सुनिश्चित गर्न इजरायलले हरसम्भव प्रयास गरिरहेको बताएका छन् ।

हमास र इजरायलबीच जारी युद्धविरामको क्रममा दुवैतर्फले बन्धक रिहा गरिरहेका छन् । नेपालले पनि जोशीको रिहाइका लागि पहल गरिरहेको छ।