किन यति महँगो हुन्छ केसर ?

एजेन्सी । सामान्यतया हामीले भान्सामा ल्वाङ, अलैँची, अदुवा, मरीच, जीरा, दालचिनी, मेथी, बेसार, धनियाँ पाउडर आदिका प्रयोग गर्छौँ । यी मसलाहरू बजारमा सस्तो मूल्यमा पाइन्छ । तर, संसारमा यस्तो महँगो मसला पनि हुन्छ । जो हरकसैको भान्सामा नपाइन पनि सक्छ ।

तपाईंले अनुमान लगाइसक्नुभयो होला, हामी कुरा गर्दैछौँ केसरको । केसरलाई प्रायः ‘रेड गोल्ड’ अर्थात् ‘रातो सुन’ पनि भनिन्छ । थाहा पाउँदा आश्चर्य लाग्नेछ कि एक किलो केसरको मूल्य लाखौँ रुपैयाँमा हुन्छ ।

किन यति महँगो छ केसर ?

केसरको बोट धेरै नाजुक हुन्छ र यसलाई उमार्न निकै गाह्रो छ । एक किलो सुकेको केसर प्राप्त गर्न लगभग साढे एक लाख भन्दा बढी फूलहरूको आवश्यकता पर्छ ।

यसबाहेक केसरका धागोहरू हातले नै टिप्नुपर्छ, जसको लागि धेरै समय र मेहनत लाग्छ । केसर खेतीको लागि चिसो विशेष प्रकारको माटोको आवश्यकता पर्छ ।

समतल भू-भागमा केसरको खेती सम्भव छैन । यही कारण हो कि केसर यति महँगो हुन्छ । एक किलो केसरको मूल्य लगभग ४ लाख रुपैयाँ देखिमाथि हुन सक्छ, यद्यपि यसको मूल्य समय–समयमा परिवर्तन भइरहन्छ ।

केसरको प्रयोग मुख्यतया खाद्य पदार्थमा स्वाद र रङ्गको लागि गरिन्छ । यसलाई दूध, खीर, पुलाउ र अन्य धेरै परिकारहरूमा हालिन्छ । केसरको प्रयोग कस्मेटिक उत्पादनहरूमा पनि गरिन्छ ।

फाइदा

केसर स्वाद र सुगन्धका लागि मात्र होइन, यसको औषधीय गुणहरूका लागि पनि जानिन्छ । यसले पाचनमा सुधार गर्छ, तनाव कम गर्छ, र छालाको लागि पनि फाइदाजनक हुन्छ ।

केसरमा एन्टिअक्सिडेन्टको प्रचुर मात्रा हुन्छ जसले शरीरलाई धेरै रोगहरूबाट बचाउन महत्त्वपूर्ण भूमिका खेल्छ ।