सहकारी ठगी प्रकरण : ८ वटा संस्थामा आबद्ध ‘सिते बा’सँग बयान लिइयो

नेपालभ्युज

काठमाडौं । सहकारी संस्था वचत रकम दुरुपयोग सम्बन्धमा गठित संसदीय छानविन विशेष समितिले विभिन्न ८ वटा सहकारी संस्थामा आबद्ध ‘सिते बा’ भनिने मधुसुदन पाठकसँग बयान लिएको छ ।

विशेष समितिको कार्यविधिअनुसार विभिन्न सहकारीको बचत दुरुपयोगमा संलग्न आरोपिमध्ये शनिबार उनीसँग बयान लिइएको समितिका सभापति सूर्य थापाले जानकारी दिए ।

बैठकमा उनले समितिले सोधेका विषयहरुमा जवाफ पेस गरेको बताइएको छ । कलाकार समेत रहेका उनी ८ वटा सहकारी संस्थाहरूसँगआबद्ध छन् । उनी ज्येष्ठ वचत तथा ऋण सहकारी संस्थाका सचिव हुन् ।

समितिले सहकारी संस्था वचत रकम दुरुपयोग सम्बन्धमा विभिन्न व्यक्तिलाई बोलाएर बयान तथा छलफल गर्दै आएको छ ।