गठ्ठाघर दुर्घटना : ज्यान गुमाउनेको पहिचान खुल्यो

काठमाडौं । भक्तपुरको गठ्ठाघर भएको दुर्घटनामा ज्यान गुमाएका स्कुटर चालकको पहिचान खुलेको छ ।

उनी ओखलढुङ्गा निवासी उत्तम कोइराला रहेको जिल्ला प्रहरी परिसर भक्तपुरले जनाएको छ । उनी काठमाडौंको कपनमा बस्दै आएका थिए ।

बिहीबार दिउँसो पौने २ बजेतिर मालबाहक ट्रकले उनको स्कुटरलाई ठक्कर दिएको थियो ।

बा ४९ प ८९४४ नम्बरको स्कुटरलाई तीव्र गतिमा आएको ना ६ ख २१७३ नम्बरको ट्रकले ठक्कर दिँदा स्कुटर २० मिटर परसम्म घिसारेर लगेको थियो ।

*यसअघि शीर्षक र समाचारमा भुलवश युवतीको ज्यान गएको उल्लेख भएकोमा क्षमायाचनासहित सच्चाइएको छ ।

लोकप्रिय (यो साता)