ऊर्जा जलस्रोत तथा सिँचाइ मन्त्रालयका ६ सहसचिवको सरुवा

काठमाडौं । ऊर्जा जलस्रोत तथा सिँचाइ मन्त्रालयका ६ जना सहसचिवको सरुवा गरिएको  छ । ऊर्जामन्त्री दीपक खड्काले विद्युत विकास विभागको महानिर्देशकसहित विभिन्न पदहरुमा सहसचिवहरुको जिम्मेवारी हेरफेर गरेका हुन् ।

हाल मन्त्रालयको ऊर्जा महाशाखामा रहेका नवीनराज सिंहलाई महानिर्देशकका रुपमा विद्युत विकास विभागमा पठाइएको छ । विभागमा हाल महानिर्देशक रहेका जीवछ मण्डललाई जल तथा ऊर्जा आयोगमा ल्याइएको छ ।

यस्तै सहसचिव चिरञ्जीवि चटौतलाई ऊर्जा नीति महाशाखामा र  मधु भेटुवाललाई बूढीकीगण्डकी जलविद्युत् आयोजनाको जिम्मेवारी दिइएको छ ।

जलस्रोत अनुसन्धान तथा विकास केन्द्रका कार्यकारी निर्देशक सन्तोष कैनीलाई सिँचाइ विभागको उपमहानिर्देशको जिम्मेवारी दिंदा कैनीको ठाउँमा सहसचिव दिनेश रौजरिया पुगेका छन् ।