भाइको इन्गेजमेन्टमा कंगनाले दिइन् करोडौंको घर

एजेन्सी । कंगना रनौत फिल्मले भन्दा अन्य विषयले नै चर्चामा आइरहन्छिन् । अहिले फेरि उनी एउटा उपहार दिएर चर्चामा आएकी छन् । उनले आफ्ना काकाका छोरालाई आलिशान घर उपहार स्वरुप दिएकी छन् ।

उनले यसरी उपहार दिएको विषय बलिउडमा चर्चामा छ । कंगनाका काकाका छोरा वरुण रनौतको हालै  इन्गेजमेन्ट भएको छ । जहाँ अभिनेत्री कंगना पनि उपस्थित थिइन् र एकदमै खुशी देखिन्थिन् ।

उनले भाइलाई उपहारको रुपमा चन्डीगढमा एउटा घर दिएकी छन् । वरुणले इन्स्टाग्राममा पोस्ट गरेर यो खुशीको खबर शेयर गरेका छन् । वरुणले लेखेका छन्, “आफ्नासँग नयाँ घरमा नयाँ सुरुआत । धन्यवाद दिदी । कंगना दी तपाईं आउँदा घर र उत्सवको शान अझै बढ्यो । यति सुन्दर घर र तपाईंको माया र आशिर्वादका लागि धेरै धेरै धन्यवाद ।”

वरुणका अनुसार उक्त घर कंगनाले उपहार स्वरुप मात्र दिएको नभइ स्वयम्ले डिजाइन पनि गराइदिएकी छन् ।

कंगना हालै मात्र मन्डीबाट लोकसभा चुनाव जितेर सांसद बनेकी छन् । यही कारणले गर्दा उनको ‘इमरजेन्सी’ फिल्मको रीलिज मिति पनि पछि सारिएको छ ।