स्कुल छेउमा अलकत्रा पकाउँदा धुँवाले आकाश नै धुम्म, विद्यार्थी बिरामी पर्न थालेपछि महानगरको एक्सन (भिडिओ)

काठमाडौं । ठेकेदारले लापरबाही गर्दै अनामनगर धोबीखोला करिडोर देवीनगरमा सडक पीच गर्न स्कुल छेउमा अलकत्रा पकाउँदा विद्यार्थी बिरामी परेका छन् ।

२ सातायता रुद्रमती आधारभूत विद्यालय छेउमा अलकत्रा पकाएपछि विद्यालयका  विद्यार्थीमा खोकी लाग्ने, टाउको दुख्ने, टन्सील हुने, वाकवाकी लाग्ने समस्या भएको हो । कतिपय विद्यार्थी कक्षामै ढलेका छन् ।

विद्यार्थी भन्छन्, ‘‘हुस्सु लागेजस्तो आकाश नै धुम्म हुन्छ । धुवाँका कारण हामीलाई सास फेर्न गाह्रो छ । ’’

धेरै विद्यार्थी बिरामी भएपछि बल्ल बल्ल काठमाडौं महानगरले अलकत्रा पकाउन रोक लगाएको छ । लगातारको दबाबपछि बिहीबार दिउँसो महानगर प्रहरीले अलकत्रा पकाइरहेको ठाउँमा गएर आगो निभाएको छ । महानगर प्रहरी आएपछि ठेकेदारलगायत मजदुर भागेका छन् ।

फेसबुकमा हेर्नुहोस् –