सन् २०२४ मा अस्ट्रेलियाको मुद्रास्फीति तीन प्रतिशतभन्दा कम हुने अनुमान

क्यानबेरा । अस्ट्रेलियाको मुद्रास्फीति दर सन् २०२४ को अन्त्यसम्ममा केन्द्रीय बैंकको लक्ष्य ब्यान्डमा फर्किने सरकारको प्रक्षेपण छ । ट्रेजरीले आइतबार जारी गरेको प्रक्षेपणअनुसार मुद्रास्फीति दर डिसेम्बरसम्म दुई दशमलव ७५ प्रतिशत र सन् २०२५ को अन्त्यसम्ममा दुई दशमलव पाँच प्रतिशतमा झर्नेछ ।

ट्रेजरीले सरकारलाई सल्लाह दिने र अस्ट्रेलियालीका लागि बलियो र दिगो आर्थिक र वित्तीय परिणामहरू प्राप्त गर्न नीति र कार्यक्रमहरू लागू गर्दछ । सन् २०२४–२५ को संघीय बजेटअघि जारी गरिएको आधिकारिक तथ्याङ्कलाई कोषाध्यक्ष जिम चाल्मर्सले मंगलबार राति हस्तान्तरण गर्नेछन् ।

ट्रेजरी प्रक्षेपणले मुद्रास्फीति दर अस्ट्रेलियाको रिजर्व बैंकको लक्ष्य ब्यान्डमा २–३ प्रतिशतको ब्यान्डमा फिर्ता आउनेछ । यो बैंकले मेको सुरुमा प्रकाशित गरेको दृष्टिकोणमा पूर्वानुमान गरेको थियो ।

“मुद्रास्फीति अझै पनि अर्थतन्त्रमा सबैभन्दा ठूलो निकट–अवधि चुनौती हो, त्यसैले सरकारले यसका लागि केही गरिरहेको छ”, चाल्मर्सले आइतबार विज्ञप्तिमा भने।

अस्ट्रेलियन ब्युरो अफ स्ट्याटिस्टिक्सको पछिल्लो तथ्याङ्कअनुसार मार्चको अन्त्यसम्मको १२ महिनामा मुद्रास्फीति तीन दशमलव छ प्रतिशत रहेको थियो । यो जुन सन् २०२३ को डिसेम्बरको अन्त्यसम्ममा चार दशमलव एक प्रतिशत थियो ।

ट्रेजरी तथ्याङ्कले आगामी दुई वर्षको आर्थिक वृद्धि प्रक्षेपणलाई पनि कम गरेको छ । कूल गार्हस्थ्य उत्पादन अब सन् २०२४–२५ आर्थिक वर्षमा दुई प्रतिशत र सन् २०२५–२६ मा दुई दशमलव २५ प्रतिशतले वृद्धि हुने अपेक्षा गरिएको छ । यो डिसेम्बरको पूर्वानुमानमा दुई दशमलव २५ र दुई दशमलव पाँच प्रतिशतभन्दा कम हो । सिन्ह्रा