आइपीएलमा दिल्लीमाथि हैदरावादको शानदार जित

नेपालभ्युज

आइपीएलमा दिल्लीमाथि हैदरावादको शानदार जित

काठमाडौं । इन्डियन प्रिमियर लिग (आइपीएल)मा सनराईजर्स हैदरावादले दिल्ली क्यापिटल्स माथि शानदार जित निकालेको छ । विष्फोटक ब्याटिङ गरेको हैदरावादले दिल्लीलाई उसैको मैदानमा ६७ रनले पराजित गरेको हो ।

टस हारेर पहिला ब्याटिङको निम्तो पाएको हैदरावादले २० ओभरमा ७ विकेट गुमाउँदै २ सय ६६ रनको विशाल योगफल बनायो । दिल्लीका लागि कुलदीप यादवले ४ विकेट लिएका थिए । यस्तै मुकेश कुमार र अक्षर पटेलले समान १ विकेट लिएका थिए ।

जवाफी ब्याटिङ गरेको दिल्लीले १९ दशमलव १ ओभरमा अलआउट हुदै १ सय ९९ रन मात्र जोड्न सक्यो ।

कप्तान ऋषभ पन्तले ४४ रन बनाए । यो जितसँगै हैदराबाद दोस्रो स्थानमा उक्लिएको छ । दिल्ली सातौं स्थानमा छ ।

७ खेलमा ५ खेल जितेको हैदरावादको १० अंक भएको छ ।  आईपिएलमा आज २ वटा खेल हुँदैछन् ।

दिउँसो पौने ४ बजे कोलकता नाइट राइडर्स र रोयल च्यालेन्जर्स बैंङ्लोर भिड्नेछन् ।

अर्को खेल बेलुका पौने ८ बजे पञ्जाब किङ्स र गुजरात टाईटन्सबिच हुनेछ ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved