एसीसी प्रिमियर कप : नेपालसँग मलेसिया पराजित

काठमाडौं। एसीसी प्रिमियर कप क्रिकेटमा नेपालले मलेसियालाई पराजित गरेको छ।

ओमानको अल अमिरात क्रिकेट मैदानमा शुक्रबार भएको खेलमा नेपालले मलेसियालाई ५ विकेटले पराजित गरेको हो।

१४४ रनको लक्ष्य नेपालले १९.२ ओभरमा ५ विकेटको क्षतिमा पूरा गरेको हो।

नेपालका लागि गुल्शन झाले विष्फोटक ब्याटिङ गरे। १७ ओभरमा ११४ रनमा ५ विकेट गुमाएर संकटमा देखिएको नेपाललाई गुल्शनले सम्हाले।

गुल्शनले ७ बलमा १ चौका र २ छक्का प्रहार गर्दै १९ रनमा अविजित रहे।

नेपालका लाागि कप्तान रोहित कुमार पौडेलले २८ आसिफ शेख ३२, कुशल भूर्तेल २४, दीपेन्द्र सिंह ऐरीले २०, र कुशल मल्ल ७, रनको योगदान गरे। सन्दीप जोरा भने १२ रनमा अविजित रहे।मलेसियाका लागि विरनदिप सिंहले ३ विकेट लिए।

पहिले ब्याटिङ गरेको मलेसियाले पूरै ओभर खेलेर ३ विकेटको क्षतिमा १४३ रन बनायो।

मलेसियाका लागि कप्तान विरनदीप सिंहले अर्धशतकीय पारी खेले। उनी ५७ बलमा ७२ रन मा अविजित रहे।

नेपालका लागि भने दीपेन्द्र सिंह ऐरीले २ तथा अविनाश बोहराले १ विकेट लिए।

शनिबार हुने खेलमा नेपाल र कतार सवा ४ मा आमने सामने हुनेछन्।