शिक्षा मन्त्रालयले उच्च शिक्षामा देखिएको समस्या समाधान गर्न बनायो चार वटा कार्यदल

नेपालभ्युज

काठमाडौं । उच्च शिक्षामा देखिएको समस्या समाधान गर्न शिक्षा विज्ञान तथा प्रविधि मन्त्रालयले चार वटा कार्यदल गठन गरेको छ ।

शुक्रबार एक महिने प्रगति विवरण सार्वजनिक गर्दै शिक्षामन्त्री सुमना श्रेष्ठले चार वटा कार्यदल गठन गरेको जानकारी दिएकी हुन् ।

श्रेष्ठका अनुसार छात्रवृत्तिसम्बन्धी कानुनको पुनरावलोकन, राष्ट्रिय परीक्षा सञ्चालन सम्बन्धी निर्देशिका तर्जुमा, विदेशी सम्बन्धनका कलेजहरूको व्यवस्थापन सम्बन्धी निर्देशिका संशोधन र शिक्षक सेवा आयोग नियमावली संशोधनसम्बन्धी कार्यदल गठन गरिएको छ ।

कार्यदलले प्रतिवेदन बुझाएपछि सोही अनुसार कामकारबाही अगाडि बढाउने उनले जानकारी दिइन् ।