विश्वकपको उपाधि जित्न अष्ट्रेलियालाई २४१ रनको मध्यम लक्ष्य

अहमदावादमा टस हारेर पहिले ब्याटिङको निम्तो पाएको भारतले पुरै ओभर खेलेर सबै विकेट गुमाउँदै २४० रन बनाएको हो । जारी विश्वकपमा भारतको यो सबैभन्दा कमजोर प्रदर्शन हो । ११ खेलमध्ये भारत पहिलो पटक अलआउट भयो ।

नेपालभ्युज

काठमाडौं। विश्वकप क्रिकेटको फाइनलमा भारतले अष्ट्रेलियालाई २४१ रनको लक्ष्य दिएको छ ।

अहमदावादमा टस हारेर पहिले ब्याटिङको निम्तो पाएको भारतले पुरै ओभर खेलेर सबै विकेट गुमाउँदै २४० रन बनाएको हो ।

जारी विश्वकपमा भारतको यो सबैभन्दा कमजोर प्रदर्शन हो । ११ खेलमध्ये भारत पहिलो पटक अलआउट भयो ।

उसका लागि केएल राहुल र विराट कोहलीले अर्धशतक बनाए । राहुल ६६ र कोहली ५४ रनमा आउट भए ।

भारतले सुरुवातमा ठूलो स्कोर बनाउने संकेत देखाएको थियो तर, कप्तान रोहित शर्मा ४७ रनमा आउट भएपछि दबाबमा आउन थालेको उसले त्यसपछि गतिलो साझेदारी गर्न सकेन ।

सूर्यकुमार यादव १८ र कुलदिप यादवले १० रन बनाए भने अन्य खेलाडीले दोहोरो अंकको स्कोर बनाउन सकेनन् । अष्ट्रेलियाका लागि मिचेल स्टार्सले ३ तथा जोस हेजलउड र प्याट कमिन्सले २-२ विकेट लिए ।