इजरायल घटना : आनन्द साहको शव धनुषा पुर्‍याइयो, राति नै दाहसंस्कार गर्ने तयारी

नेपालभ्युज

काठमाडौं । गत ७ अक्टोबरमा हमासको आक्रमणमा परी मृत्यु भएका धनुषाका आनन्द साहको शव घर ल्याइएको छ ।

नेपाली सेनाले आफ्नो विशेष विमानबाट शनिबार अपराह्न साढे ५ बजे जनकपुरधाम विमानस्थलमा साहको शव अवतरण गराएको थियो ।

विमानस्थलबाट सेनाकै टोलीले स्कर्टिङ गरेर आनन्दको शवलाई धनुषा लक्ष्मीनियाँ–४ स्थित सपहीमा रहेको उनको घरमा पुर्‍याएको थियो ।

शनिबार राति नै आनन्दको दाहसंस्कार गर्ने तयारी गरिएको उनको परिवारले बताएका छन् । टिकापुर मल्टिपल क्याम्पसमा एग्रिकल्चरमा बीएससी पढेका उनी गत भदौमा इजरायल पुगेका थिए ।