कोशी-किचलो

केदारलाई मुख्यमन्त्री नियुक्ति माग्दै ४७ सांसद प्रदेश प्रमुख कार्यालयमा, काठमाडौंमा कांग्रेस संस्थापन पक्षको बैठक

कार्कीलाई आजै मुख्यमन्त्री नियुक्त गर्नुपर्ने उनीहरूको माग छ।

नेपालभ्युज

काठमाडौं । कोशी प्रदेशको मुख्यमन्त्रीमा केदार कार्कीलाई नियुक्त गर्नुपर्ने माग राख्दै नेपाली कांग्रेस (शेखर पक्षर) र नेकपा एमालेका सांसदहरू प्रदेश प्रमुखको कार्यालयमा पुगेका छन् ।

कार्कीलाई मुख्यमन्त्रीमा समर्थन गरेका ४७ सांसद प्रदेश प्रमुख परशुराम खापुङ्गको कार्यालयमा पुगेका हुन् ।

कार्कीलाई आजै मुख्यमन्त्री नियुक्त गर्नुपर्ने उनीहरूको माग छ।

प्रदेश प्रमुख खापुङ्गले संविधानको धारा १६८ (५) अनुसार मुख्यमन्त्रीका लागि दाबी प्रस्तुत गर्न दिएको समय अहिले पाँच बजे सकिएको छ ।

यता काठमाडौंमा नेपाली कांग्रेस संस्थापन पक्षको कार्यसम्पादन समितिको बैठक बसिरहेको छ ।