जुवा खेलिरहेको अवस्थामा भक्तपुरबाट १० जना पक्राउ

SKIP

नेपालभ्युज

भक्तपुर। जुवा खेलिरहेको अवस्थामा भक्तपुर नगरपालिका–७ स्थित इनाचोबाट प्रहरीले १० जनालाई पक्राउ गरेको छ । इनाचोस्थित रत्न शाक्यको घरमा सञ्चालित जुवा खालमा छापा मारेर जुवाडेहरूलाई पक्राउ गरिएको जिल्ला प्रहरी परिसर भक्तपुरले बताएको हो ।

प्रहरीका अनुसार जुवा खालबाट ७३ हजार ७ सय नगद बरामद गरिएको छ । जुवा खालबाट पक्राउ पर्नेहरू सबै भारतीय नागरिक हुन् । पक्राउ पर्नेमा भारत घर भएका मनजित माकी, सुशील दलै, दिवस हजारा, चन्दन कुदेल, सोरोजित मैती, अनुप दोलही देव परमणि, कमल शेख, देव चुत र पूर्ण ब्रतदले रहेका छन् ।

पक्राउ परेकाहरूलाई जुवा ऐन मुद्दा दर्ता गरी अनुसन्धान भइरहेको प्रहरीले जनाएको छ ।