काठमाडौं। एसियन पेन्ट्स नेपालले आयोजना गरेको ‘आर्किटेक्चर एण्ड इन्टेरियर डिजाइन’ प्रतिस्पर्धाका विजेता घोषणा गरिएको छ । नेपालका प्रतिभाशाली आर्किटेक्चर र इन्टेरियर डिजाइनरको प्रतिभा प्रदर्शन गर्न कम्पनीले सीएसआर पहलबाट प्रतिस्पर्धा कार्यक्रम आयोजना गर्दै आएको छ ।
क्यालिडोस्कोप, एसियन पेन्ट्स नेपालद्वारा आयोजित वार्षिक कार्यक्रम २०२२–२३ का लागि पुनः आयोजित भएकोलगायत नेपालका प्रतिभाशाली आर्किटेक्टहरू र इन्टेरियर डिजाइनर प्रवद्र्धन र आशाजनक प्रतिभाहरू प्रदर्शन गर्न कम्पनीको निरन्तर प्रयासलाई बलियो बनाएको छ । १० वर्षभन्दा बढी समयदेखि यस सिएसआर पहल, क्यालिडोस्कोपमार्फत विद्यार्थीलाई आफ्नो रचनात्मकता र उपलब्धिको भावना निर्माण व्यक्त गर्ने अवसर छ भन्ने एसियन पेन्ट्सको दृढ विश्वास छ ।
आर्किटेक्चरका विद्यार्थीका लागि २०२२–२३ को प्रोजेक्ट कास्की, पोखराको ‘पोखरा मोन्युमेन्टल पार्क’ थियो भने इन्टेरियर डिजाइनका विद्यार्थीका लागि ‘बुटिक होटेल’ थियो । यो राष्ट्रियस्तरको प्रतियोगिताको आठौँ संस्करण हो, जहाँ ०७४ ब्याच र ०७५ ब्याचका कुल गरेर ५१ विद्यार्थीले ११ आर्किटेक्चरल र २ इन्टेरियर डिजाइन कलेजहरूबाट भाग लिएका थिए । एसियन पेन्ट्स नेपालले आयोजना गरेको आर्किटेक्चर एन्ड इन्टेरियर डिजाइन स्टुडेन्ट्स कम्पिटिसनका उत्कृष्ट पाँच विजेता घोषणा गरिएको छ । प्रमुख अतिथि शिक्षा, विज्ञान तथा प्रविधि राज्यमन्त्री प्रमिला कुमारीको उपस्थितिमा विजेता घोषणा गरिएको हो ।
आर्किटेक्ट कलेजबाट विजेता आइओई, थापाथली क्याम्पसका सन्दीप तण्डुकार र इन्टेरियर डिजाइन कलेजबाट कान्तिपुर इन्टरनेसनल कलेजकी नीलिमा प्रधानले एसियन पेन्ट्सबाट ७० हजार नगद पुरस्कार प्राप्त गरे । फस्ट रनरअपहरू आर्किटेक्ट कलेजबाट एक्मी इन्जिनियरिङ कलेजका अनमोल भण्डारी र इन्टेरियर डिजाइन कलेजबाट आइइसी कलेज अफ आर्ट एन्ड फेसनकी क्याथी मुन नकर्मीले ४० हजार नगद प्राप्त गरे । आइओई थापाथली क्याम्पस (आर्किटेक्ट कलेज)का युनिश भट्ट क्षेत्री र कान्तिपुर इन्टरनेसनल कलेज (इन्टेरियर डिजाइन कलेज)की श्रीजा आचार्यले ३० हजार नगद जित्दै सेकेन्ड रनरअप भएका थिए ।
अन्त्यमा चार सान्त्वना पुरस्कार काठमाडौं विश्वविद्यालयको स्कुल अफ इन्जिनियरिङकी मानषी श्रेष्ठ, आइओई थापाथली क्याम्पसकी रुचि खकुरेल, आइइसी कलेज अफ आर्ट एन्ड फेसनकी नम्रता पन्त र आइइसी कलेज अफ आर्ट एन्ड फेसनकी रुचिता महर्जनलाई १० हजार नगद प्रदान गरिएको छ ।
Facebook Comment
Comment