ब्रेक शु बाट निकालिएको तस्करीको सुन गालेर जोख्दा ६० किलो मात्रै

बरामद ब्रेक शुभित्रको सुन निकालेर गाल्दा ६० किलो ७७९ ग्राम पाइएको नेपाल राष्ट्र बैंकको टक्सार महाशाखाले जनाएको छ।

काठमाडौं। २ साउनमा बरामद गरिएको तस्करीको सुनको परिमाण ६० किलो भन्दा केही बढि मात्रै रहेको पाइएको छ।

बरामद सुनको परिमाण करिब १ क्विन्टल भएको अनुमान गरिए पनि झन्डै आधा घटेको हो। सुन सोमबार नेपाल राष्ट्र बैंकको टक्सार महाशाखामा जोखिएको हो।

स्रोतले भन्यो, ‘‘यसअघि ब्रेक शुसहित जोख्दा १ सय ५५ किलो थियो। अहिले सुन मात्रै गालेर जोख्दा ६० किलो भएको छ।’’

सुन त्रिभुवन अन्तर्राष्ट्रिय विमानस्थल भन्सार कार्यालयबाहिरबाट बरामद भएको थियो।

लोकप्रिय (यो साता)