चितवन । प्रधानमन्त्री पुष्पकमल दाहाल ‘प्रचण्ड’ले हरेक मन्त्रीहरूँग कार्य सम्पादन सम्झौता गरिएको बताएका छन् ।
शुक्रबार चितवन आएका प्रधानमन्त्री ‘प्रचण्ड’ले चितवनको भरतपुर २२ पटिहानीमा अन्तर्राष्ट्रिय युवा दिवसको अवसरमा आयोजित कार्यक्रमलाई सम्बोधन गर्दै प्रधानमन्त्री प्रचण्डले मन्त्रीहरूले हरेक महिना प्रगति विवरण बुझाउनुपर्ने गरी सम्झौता गरिएको बताए ।
अहिलेको सरकार सुशासन, न्याय र समृद्धिको लागि दृढ भएर लागेको बताउँदै प्रधानमन्त्री प्रचण्डले नेपालमा समृद्धिको यात्रा अगाडि बढाउँदै सुशासन कायम गरेर भष्ट्राचारको अन्त्य गर्न सरकार लागेको बताए ।
उनले बूढीगण्डकी लगायतका ठूला परियोजनाहरूको निर्माण कार्य अगाडि बढ्न लागेको जनाउँदै एउटै परियोजनाबाट १० हजार मेगावाटसम्म विद्युत् निकाल्ने गरी काम भइरहेको बताए ।
विदेशमा जाने युवा र स्वदेशभित्रै केही गर्न चाहने युवाका पक्षमा सरकारले महत्त्वपूर्ण निर्णय गरेको पनि प्रधानमन्त्री प्रचण्डले बताए ।
Facebook Comment
Comment