बन्दी प्रत्यक्षीकरणको रिट खारेज, पक्राउ परेकालाई छाड्न अस्वीकार

काठमाडौं । सर्वोच्च अदालतले ललितानिवास जग्गा प्रकरणमा परेको बन्दी प्रत्यक्षीकरणको रिट खारेज गरेको छ । शुक्रबार सर्वोच्चले बन्दी प्रत्यक्षीकरणको रिट खारेज गर्दै पक्राउ परेकाहरुलाई छाड्न अस्वीकार गरेको हो ।

न्यायाधीश प्रकाशकुमार ढुंगाना र नहकुल सुवेदीको संयुक्त इजलासले सुधीरकुमार शाहसहितले दायर गरेको रिट खारेज गरेको हो ।

सर्वोच्चले सोही प्रकरणमा पक्राउ परेका सञ्चार मन्त्रालयका सचिव कृष्णबहादुर राउतलाई भने थुनामुक्त गर्न परमादेश दिएको छ ।

राउतलाई नेपाल बाहिर जान नमिल्ने गरी तारेखमा राखेर अनुसन्धान गर्न अदालतले परमादेश गरेको हो ।

हदम्याद नाघिसकेको घटनाको अनुसन्धानमा आफूहरुलाई गैरकानूनी रुपमा पक्राउ गरेको भन्दै असार १३ गते आरोपितहरु सुधीरकुमार शाह, धर्मप्रसाद गौतम र मीनबहादुर गुरुङले सर्वोच्चमा प्रत्यक्षीकरणको रिट दायर गरेका थिए ।