सामसङले ल्यायो फोन तथा ट्याब्लेटहरूमा नयाँ बायोमेट्रिक सेन्सर डिस्प्ले प्रविधि

नेपालभ्युज

सामसङले ल्यायो फोन तथा ट्याब्लेटहरूमा नयाँ बायोमेट्रिक सेन्सर डिस्प्ले प्रविधि

काठमाडौं। सामसङले फोन तथा ट्याब्लेटहरूमा नयाँ बायोमेट्रिक डिस्प्ले प्रविधि सार्वजनिक गरेको छ । प्रविधिको दिग्गज कम्पनीले यसलाई सेन्सर ओएलईडी डिस्प्ले नाम दिएको छ ।

तपाईंले स्क्रिनको जुनसुकै भागमा छुँदा पनि यसले फिङ्गरप्रिन्ट पढ्न सक्छ । अमेरिकाको लस एन्जलसमा आयोजित ‘एसआईडी डिस्प्ले विक’का क्रममा कम्पनीले यस्तो डिस्प्ले प्रस्तुत गरेको हो ।

हाल अधिकांश स्मार्टफोनहरूको स्क्रिनमा फिङ्गरप्रिन्ट रिडर हुने गर्छ । ती फोनहरूको प्यानलभित्र छुट्टै मोड्युलको रूपमा सेन्सर राखिएको हुन्छ, जसले सानो निर्धारित क्षेत्रमा मात्रै काम गर्छ ।

नयाँ सेन्सर ओलेडको हकमा भने प्यानलमै फिङ्गरप्रिन्ट सेन्सर मिलाइएको सामसङले उल्लेख गरेको छ । कम्पनीका अनुसार स्क्रिनको जुनसुकै भागले फिङ्गरप्रिन्ट पढ्न सक्ने भएपछि यसबाट मानिसको मुटुको चाल र रक्तचाप समेत मापन गर्न समेत सकिनेछ ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved