बच्चा जन्माउने सोंच्दै हुनुहुन्छ भने जान्नुहोस् यी ५ कुरा

एजेन्सी । यदि तपाईं पनि आफ्नो वैवाहिक जीवनमा नयाँ खुशियाली ल्याउन चाहनुहुन्छ भने शारीरिक तथा मानसिक रुपमा बलियो हुनुपर्छ । जसका लागि केही जाँच गर्नुपर्ने पनि हुन सक्छ ।

आफूले गर्दै गरेको कामको लागि मानसिक रुपमा तयार रहनु सबैभन्दा महत्वपूर्ण कुरा हो । साथै तपाईंले डाक्टरसँग केही सल्लाह पनि लिन सक्नुहुन्छ ।

१. कस्तो जाँच गर्ने ?

यदि तपाईंले बच्चा जन्माउने योजना बनाइरहनुभएको छ भने डाक्टरसँग केही जाँच गराउन सक्नुहुन्छ । जस्तो तौलको जाँच गर्ने । तपाईंको तौल पनि गर्भावस्थाको बेला आवश्यकता भन्दा धेरै हुनु हुँदैन ।

यसबाहेक थाइराइड, रक्तचाप तथा मधुमेह सम्बन्धी जाँच पनि अनिवार्य हुन्छ । शरीरमा आइरन, क्याल्सियम आदिको मात्रा कति छ भनेर जाँच गर्न सकिन्छ । कतिपय डाक्टरले गर्भवती हुनुअघि दाँतको जाँच पनि गराउने सल्लाह दिन्छन् ।

२. सही उमेर

गर्भवती हुनका लागि महिलाको मात्र नभएर पुरुषको पनि सही उमेर हुन जरुरी हुन्छ । टेस्टोस्टेरोनको स्तर ४० वर्षको उमेरपछि घट्न थाल्छ । यसको अर्थ ४० वर्षपछि प्रेग्नेन्सीको योजना बनाउँदा समस्या आउन सक्छ । महिलामा २० देखि ३५ वर्षको उमेर गर्भवती हुनका लागि सही मानिन्छ । महिलाको उमेर ३५ देखि माथि पुग्यो भने बच्चा जन्माउनु जोखिम पनि हुन सक्छ ।

३. शरीरलाई कसरी तयार गर्ने

सन्तुलिन तथा स्वस्थ खानपान गर्नुपर्दछ । अस्वस्थ काब्र्स तथा प्रशोधित खानेकुराबाट बच्नुपर्छ । आफ्नो खानपानमा क्याल्सियम, प्रोटिन, फाइबर, ओमेगा–३ फ्याटी एसिड, भिटामिन सी लगायत समावेश गर्नुहोस् ।

शारीरिक व्यायाम पनि जरुरी हुन्छ । गर्भवती हुने तयारीमा हुनुहुन्छ भने दिनहुँ कम्तीमा ४० मिनेट व्यायाम गर्नुहोस् । डाक्टरको सल्लाह लिएर फोलिक एसिडको सेवन गर्नुहोस् । धुमपान, रक्सी तथा नसाजन्य पदार्थको सेवन गर्नु हुँदैन । तनावमुक्त रहन निद्रा पूरा लिनु पर्दछ । हरेक दिन ७ देखि ८ घण्टा सुत्नुपर्दछ ।

४. गर्भधारण किन हुँदैन

कतिपय महिलालाई गर्भधारण गर्न गाह्रो पनि हुन्छ । यसको पछाडि धेरै कारण हुन सक्छन् । जो महिलालाई पीसीओएस हुन्छ उनीहरुलाई गर्भधारण गर्न समस्या हुन सक्छ । एग काउन्ट कम हुनाले पनि गर्भधारणमा समस्या हुन्छ ।

पुरुषमा शुक्राणुको संख्या कम हुनाले पनि गर्भधारण नभएको हुन सक्छ । क्यान्सरको उपचार भइरहेको अवस्था पनि गर्भधारणमा समस्या आउन सक्छ । वंशाणुगत कारणले पनि गर्भधारणमा समस्या देखिन्छ ।

५. गर्भधारण भएपछि के गर्ने

प्रेग्नेन्सी टेस्ट पोजेटिभ आउनुको अर्थ तपाईं गर्भवती हुनुभयो भन्ने बुझिन्छ । हिजोआज धेरै जस्तो महिलाले घरमै जाँच गर्दछन् । यदि तपाईंको परिणाम सकारात्मक आउँछ भने डाक्टरसँग सल्लाह लिन जानुपर्ने हुन्छ ।

डाक्टरले गर्भावस्था र सही समयको बारेमा अल्ट्रासाउन्ड गरेर पत्ता लगाउँछन् । सोहीअनुसार डाक्टरले के खाने, आराम गर्ने वा नगर्ने, कस्तो जीवनशैली अपनाउने भन्ने सल्लाह दिन्छन् । सोही अनुसार तपाईंले आफ्नो जीवनशैलीमा परिवर्तन गर्नुपर्ने हुन्छ ।