सरकार र पुनबीच आज पनि वार्ता हुँदै

नेपालभ्युज

काठमाडौं। राष्ट्रिय आविष्कार केन्द्रका संस्थापक महावीर पुन र सरकारका प्रतिनिधिबीच आज पनि वार्ता हुँदैछ । आइतबार भएको वार्ता विनानिष्कर्षमा टुंगिएपछि आज फेरि वार्ता हुन लागेको हो ।

आइतबारको वार्ता मौखिक रूपमा सहमति नजिक पुगेको र सोमबार लिखितरूपमा सहमति हुनसक्ने उनीहरूको भनाइ छ ।

पुनले अनुसन्धान, नवप्रवर्तन र आविष्कारको क्षेत्रमा राज्यले लगानी बढाउनुपर्ने माग गर्दै गत शुक्रबारबाट माइतीघर मण्डलमा अनिश्चितकालीन धर्ना दिँदै आएका छन् ।

प्रधानमन्त्री पुष्पकमल दाहाल प्रचण्डले भने चितवनमा पत्रकारहरूसँग कुरा गर्दै महावीर पुन: सल्लाहमै धर्नामा बसेको बताएका छन् ।