काठमाडौं। जाडोमा सस्तो तथा सुलभ रुपमा पाइने एउटा फल हो सुन्तला । सुन्तलाका धेरै नै फाइदाहरु छन् ।
यसमा भिटामिन सी, आयोडिन, सोडियम, क्याल्सियम जस्ता मिनरल्स पाइन्छन् जसले रोग प्रतिरोधात्मक क्षमता बढाउँछन् । यदी तपाईं नियमित रुपमा सुन्तला सेवन गर्नुभयो भने यसले पाचनक्रिया बलियो बनाउनुका साथै तौल कम गर्न पनि मद्दत गर्छ । त्यसो भए जानौं न त सुन्तला खानुका फाइदा ।
कोलेस्ट्रोल कम हुन्छ
सुन्तलामा पाइने पेक्टिनले कोलेस्ट्रोल कम गर्न मद्दत गर्दछ । यो एउटा घुलित फाइबर हो, जसले शरीरमा बढेको कोलेस्ट्रोललाई सन्तुलनमा राख्छ ।
मुटुका लागि फाइदाजनक
सुन्तलामा पोटाशियम, फोलेट तथा एन्टीअक्सीडेन्ट गुण पाइन्छ जो मुटुका लागि फाइदाजनक हुन्छ । मुटुलाई स्वस्थ राख्नका लागि पनि सुन्तलाको सेवन नियमित रुपमा गर्नुहोस् ।
उच्च रक्तचाप कम गर्छ
सुन्तलामा पाइने म्याग्नेशियमले उच्च रक्तचाप कम गरी सन्तुलनमा ल्याउन मद्दत गर्दछ । जो व्यक्तिहरुलाई उच्च रक्तचाप छ उनीहरुले आफ्नो खानपानमा सुन्तलालाई समावेश गर्न सकिन्छ ।
तौल कम गर्न
सुन्तला फाइबर र भिटामिन सीले भरिपूर्ण हुन्छ । जसले तौल कम गर्न सहयोग गर्छ । फाइबरयुक्त खानेकुराले पेट लामो समय भरिएको हुन्छ जसले गर्दा धेरै खानबाट बच्न सकिन्छ ।
आँखाको लागि राम्रो
सुन्तलामा पाइने बीटा क्यारोटिन आँखाको लागि एकदमै महत्वपूर्ण मानिन्छ । यसमा भिटामिन ए, भिटामिन सी तथा एन्टीअक्सीडेन्ट गुण पाइन्छ जसले आँखालाई स्वस्थ राख्न मद्दत गर्छ ।
Facebook Comment
Comment