विश्वकप फुटबल : घानाले दक्षिण कोरियालाई हरायो

नेपालभ्युज

काठमाडौं। विश्वकप फुटबलमा घानाले दक्षिण कोरियालाई हराएको छ।

एड्युकेशन सिटी रंगशालामा सोमबारको दोस्रो खेलमा घानाले दक्षिण कोरियालाई ३–२ गोलअन्तरले पराजित गरेको हो। घानाका लागि मोहम्मद सालिसु र मोहम्मद कुडुसले गोल गरे। कोरियाका लागि जो ग्यु-सङ्गले गोल फर्काए।

खेलको २४ औँ मिनेटमा सलिसुले गोल गर्दै घानालाई अग्रता दिलाए। ३४ औँ मिनेटमा कुडुसले दोस्रो गोल गरे। खेलको ५८ औँ र ६१ औँ मिनेटमा गोल गर्दै ग्यु-सङ्गले खेललाई बराबरीमा पुर्‍याए।

कुडुसले ६८ औँ मिनेटमा घानाको लागि तेस्रो गोल गरे। जितसँगै ३ अंक जोडेको घाना समूह ‘एच’ को दोस्रो स्थानमा उक्लिएको छ ।

दक्षिण कोरिया १ अंकका साथ समूहको पुछारमा छ ।